Maalim hamad asema hakuna atakayevuna kwa vurugu

Makamo wa Kwanza wa Rais wa Zanzibar   Maalim Seif Sharif Hamad amewataka wananchi kuacha tabia ya kufanya vurugu kwa lengo la kuvunja amani na utilivu  Zanzibar.

Amesema bado liko kundi la watu ambao wanazembea hatua ya  amani na utulivu

uliopo Zanzibar na kujaribu kutaka kuleta machafuko katika nchi. Maalim Seif ameyaeleza hayo huko Hoteli ya Grand Palace ilioko Malindi mjini Zanzibar wakati akizungumza na Waandishi wa Habari. Amesema,Serikali iliopo sio kama haiwezi kuchukuwa  hatua kali bali inafanyakazi kwa utaratibu maalum ili kuepuka utumiaji wa nguvu.

Ameongeza  pindi Serikali ikichukuwa hatuwa kali watu wataanza kupiga

kelele na kusema kuwa  wanaonewa na zinakiukwa haki za kibinaadamu.

Hivyo aliwaonya wenye tabia hio kuacha mara moja tabia hiyo ya kuleta

vurugu na fujo kwani hali ikiwa mbaya hakuna mtu atakaefaidika na kitu.

Maalim Seif ambae ni Makamo wa Rais wa Kwanza wa Rais wa Serikali ya

Mapinduzi Zanzibar alisema wapo baadhi  ya watu ambao hudhani pakiwa na

fujo na ghasia wanafaidika jambo hilo sio kweli kwani kukitokea vurugu na

Serikali kuchukuwa hatua kali hakuna atakaefaidika bali itakuwa hasara kwa

Wananchi.

Hivyo  aliwasihi Wananchi kuacha  na kuendelea kudumisha Amani na Utulivu

ambao ni jambo la kujivunia.

Makamo  wa Rais wa Kwanza wa Zanzibar alitowa Mfano wa nchi zenye mizozo na

kusema hakuna maendeleo yanayopatikana na watu wanaishi katika hofu na

wasiwasi.

Akizungumzia suala la Uchumi wa Zanzibar,MaalimSeif amesema Uchumi wa

Zanzibar unakuwa kwa kiasi ,kwani mwaka 2011 ukuwaji wa Uchumi ni 6.8 na

unatarajia kuongezeka mwaka 2012/2013 na unatarajia kufikia  asilimia 7.5

wakati pato la Mzanzibari linakuwa kutoka TSHS  782,000 kwa mwaka hadi

kufikia TSHS 960,000 ambazo ni sawa na Dolla za Kimarekani 615 kutoka 560

mwaka 2010.

Ameongeza kuwa lengo la Serikaliya Mapinduzi Zanzibar ni kufikia lengo la

Melenium ambapo nchi zote zinatakiwa ifikapo mwaka 2015 pato la Wananchi

wake liwe TSHS 884,000 sambamba na kuonekana fedha  mifukoni na sio kwenye

makaratasi.

Kuhusu matumizi ya fedha za Serikali, Maalim Seif alisema bado Serikali

inakabiliana na changamoto kubwa juu ya matumizi ovyo ya fedha za Serikali.

Amesema Ripoti ya Mdhibiti na Mkaguzi Mkuu wa Hesabu za  Serikali ya mwaka

2010/2011 imeonyesha bado wako baadhi ya Watendaji hujinufaisha kupitia

fedha za Serikali jambo ambalo sio zuri na halikubaliki.

Amesema ,tatizo la matumizi yasiofuata taratibu linaendelea kujitokeza. Pia

udhaifu wa kukosekana baadhi ya vielelezo muhimu katika ukusanyaji na

matumizi ya Mapato limeonekana kujitokeza katika Taasisi mbali mbali za

Serikali , kutokana na uchunguzi uliofanywa na Mdhibiti na Mkaguzi Mkuu wa

Serikali ya Mapinduzi Zanzibar.

Aidha Maalim Seif alisema kuwa Mdhibiti na Mkaguzi Mkuu wa Hesabu za

Serikali ya Mapinduzi Zanzibar amebaini kuwa kuna matatizo kwa baadhi ya

Taasisi za Serikali kutokusanya mapato ipasavyo pamoja na kutumia fedha

bila kufuata taratibu za Kisheria za fedha na malengo waliojipangia wenyewe

Taasisi hizo.

Amesema kuwa ipo Miradi mingi imepewa fedha nyingi katika utekelezeaji wake

lakini kazi iliotendeka hailingani na fedha zilizotolewa.

Makamo wa Kwanza wa Rais wa Zanzibar amesema kuwa, Serikali haitovumilia

kuona baadhi ya Watendaji wanaendelea kukiuka sheria ziliopo za fedha na

kuchukuwa fedha za Wananchi kujinufaisha binafsi.

IMETOLEWA NA IDARA YA HABARI MAELEZO ZANZIBAR