Tume Ya Haki Za Binadamu Zanzibar Yatoa Tamko

NA HABARI MAELEZO ZANZIBAR   25/10/2012

 TUME YA HAKI ZA BINAADAMU NA UTAWALA BORA IMEISHAURI SERIKALI YA MAPINDUZI ZANZIBAR  KUWATAFUTA KUWAKAMATA WALE WOTE WALIOSHIRIKI KATIKA  VITENDO VYA VURUGU LILILOTOKEA WIKI ILIOPITA NA KUVUNJA VIKUNDI VYOTE VYA KIHALIFU VILIVYOANZA KUSHAMIRI HAPA ZANZIBAR.

AIDHA TUME IMETAKA SERIKALI KUJIPANGA KIKAMILIFU  NA KUHAKIKISHA KUTORUDIWA TENA  KWA VITENDO KAMA HIVYO KATIKA NCHI YETU.

KWA MUJIBU WA TAARIFA ILIYOTOLEWA  NA TUME HIYO NA KUTIWA SAINI NA KAMISHNA WAKE  ZAHOR J. KHAMIS IMEELEZA KWAMBA  VITENDO HIVYO NI UVUNJAJI WA HAKI ZA BIANAADAMU NA ZINAPINGANA NA SHERIA ZA NCHI NA KINYUME NA  MASHARTI YA KATIBA  YA JAMHURI YA MUUNGANO WA TANZANIA.

HIVYO INALAANI  KITENDO CHA KUUWAWA KWA ASKARI SAID ABRAHMANI KWANI KITENDO HICHO NI UVUNJAJI WA HAKI ZA BIAADAMU NA KINAPINGANA NA SHERIA ZA NCHI NA KINYUME NA KATIBA YA JAMHURI YA MUUNGANO WA TANZANIA  IBARA YA 14 INAYOZUNGUMZIA HAKI YA KUISHI NA KATIBA YA ZANZIBAR IBARA YA 13 INAYOZUNGUMZIA HAKI YA KUWA HAI.

KITENDO HICHO PIA KINAPINGANA NA MKATABA WA  KIMATAIFA WA HAKI ZA BINNADAMU NAMBA 3 NA ULE WA AFRIKA IBARA YA 4.

HIVYO IMEENDELA KUSAURI KWAMBA  SERIKALI PAMOJA NA VYOMBO VYA ULINZI NA USALAMA KUFANYA UCHUNGUZI WA KINA  KUWATAMBUA NA KUWAKAMATA WAHUSIKA WOTE WA MAUAJI HAYO NA KUWAFIKISHA KATIKA VYOMBO VYA SHERIA.

AIDHA TUME HIYO YA HAKI ZA BINAADAMU NA UTAWALA BORA  IMELAANI KITENDO  ALICHOFANYIWA DIWANI WA CCM WADI YA CHUMBUNI KWA KUSHAMBULIWA KUJERUHIWA, KITENDO AMBACHO KINAKWENDA KINYUME NA HAKI ZA BINAADAMU NA  KATIBA YA TANZANIA IBARA YA 13(6) (C)NA KATIBA YA ZANZIBAR IBARA YA 13(3) INAYOPIGA MARUFUKU MTU KUTESWA, KUADHIBIWA KINYAMA AU ADHABU ZA KUMDHALILISHA.  PIA KUPORA MALI YA MTU NI KINYUME CHINI YA IBARA YA 17 YA JAMHURI YA MUUNGANO NA IBARA YA   16 INAYOZUNGUMZIA HAKI YA KUMILIKI.

TUME IMEENDELEA KUELEZA KUWA MATUKIO YOTE HAYO NI MUENDELEZO WA MATUKIO KADHAA  YALIOTOKEA HAPO KABLA NA AMBAPO YAKITAMKWA HADHARANI  TENA BILA KIFICHO MATOKEO YAKE NDIO YALIOTUFIKISHA LEO HAPA TULIPO. HAYO NI MAPUNGUFU YA UZINGATIAJI WA MISINGI YA UTAWALA BORA IKIWEMO UWAJIBIKAJI NA UTAWALA WA SHERIA.

IKIELEZEA UTATA ULIOJITOKEZA  KATIKA KADHIA YA KUTOWEKA KWA SHEIKH FARID, TUME HIYO IMEELEZA KWAMBA KUMEJITOKEZA  KWAMBA JUMUIYA YA UAMSHO NI YA KIDINI ( KIISLAM) NA IMEKUWA IKITUMIWA NA MAKUNDI YA WAHUNI  AMBAYO YAMEJIPACHIKA MAJINA  KAMA MBWAMWITU,SIMBA MKALI, UBAYA UBAYA NA TOTO TUNDU ILI KUFANIKISHA AZMA YAO.

DAI LA KUTEKWA KWA SHEIKH FARID  LINA UTATA MKUBWA  AMBAO UNAHITAJI UCHUNGUZI NA UFAFANUZI KAMA VILE HUKO ALIKOTEKWA  VIPI ALIWEZA KUFIKA  MSALANI (CHOONI) AMBAKO ALIKUWA AKINYWA MAJI WAKATIA AKIWA AMEFUNGWA KITAMBAA  USONI NA MIKONONI AKIWA NA PINGU  NA KATIKA NYUMBA AMBAYO HAIJUI IMEKAAJE NA  KUSHINDWA KUITAMBUA MUDA WOTE.                                                                                                                                                                                         

KUNAUHUSIANO GANI WA KUTEKWA KWA KIONGOZI WA MUAMSHO NA HUJUMA ZA MALI ZA WATU NA CCM NA LILE DAI LA KUNYIMWA KULA KWA SIKU TATU BILA KUATHIRIKA KIAFYA.

HIVYO TAARIFA HIYO ILIMTAKA SHEIKH FARID  KUTOA MAELEZO YANAYOTHIBITISHA PASIPO NA MASHAKA  ILI KUWATHIBITISHIA WAZANZIBARI, WATANZANIA NA ULIMWENGU KWA JUMLA JUU YA KUTOWEKA  KWAKE.

SHEIKH FARID ANADAI ALITEKWA NA WATU WASIOJULIKANA TAREHE 16 MWEZI HUU NA KUONEKANA SIKU TATU BAADAE AKIWA KATIKA HALI YA UZIMA NA SALAMA JAMBO AMBALO LILISABABISHA VURUGU KUBWA HAPA ZANZIBAR NA KUSITA KWA SHUGHULI ZOTE ZA KIUCHUMI NA KIJAMII KUTOKANA NA FUJO HIZO ZILIZOTOKEA AMBAPO HADI SASA HAIJAJULIKANA THAMANI AU HASARA ILIOPATIKANA KUTOKANA NA MACHAFUKO HAYO AMBAPO ASKARI MMOJA WA KIKOSI CHA FFU KWA JINA LA SAID ABDULRAHMAN KUUWAWA.

IMETOLEWA NA IDARA YA HABARI MAELAZO ZANZIBAR 25/10/2012