Profesa Sifuni Mchome
Na Fredy Azzah,
Dar es Salaam. Tume ya Kuchunguza Kushuka kwa
Kiwango cha Ufaulu wa Mtihani wa Taifa wa Kidato cha Nne mwaka 2012,
imetoa mapendekezo 130, mojawapo ikitaka kupitiwa upya kwa mitalaa ya
elimu nchini.
Akizungumza na Mwananchi jana, Mwenyekiti wa Tume
hiyo, Profesa Sifuni Mchome alisema likitaka mitalaa ya shule za msingi
hadi vyuo vya ualimu itazamwe upya.
Tume hiyo iliundwa na Waziri Mkuu, Mizengo Pinda
Februari 23, mwaka huu kuchunguza chanzo cha asilimia 65.5 ya wanafunzi
kupata daraja la sifuri kwenye mtihani wa mwaka 2012.
Alisema mapendekezo hayo yatawasilishwa kwa Waziri Mkuu baada ya Tume kumaliza kazi yake Juni 15 mwaka huu.
“Pendekezo la kufutwa kwa matokeo na kisha
kupangwa upya ni moja tu kati ya mengi. Mpaka sasa tumeandaa zaidi ya
mapendekezo 130 na kazi bado inaendelea,” alisema Profesa Mchome.
Alisema kwa kawaida mtalaa unabadilishwa baada ya
kumaliza mzunguko wake mmoja, hivyo tume hiyo imependekeza kupitiwa upya
kwa mitalaa yote ambayo imemaliza mzunguko. Mzunguko huu ni miaka saba
kwa elimu ya msingi, minne kwa sekondari na miwili kwa kidato cha tano
na sita.
“Mtalaa wa sekondari unaweza kupitiwa upya baada
ya miaka minne tangu kuanza kutumika kwake, huu wa Sekondari wa ‘based
competence’ (kuangalia ubora) ulianza kutumika 2006, mpaka sasa tayari
umemaliza mzunguko wake na haya matokeo yametokana na mtalaa huu.
Tume imependekeza mitalaa yote itazamwe upya kuanzia ile ya shule za msingi mpaka vyuo vya ualimu,” alisema.
Kuhusu vitabu, Tume imependekeza kuangaliwa kwa
njia rahisi ya kutumia teknolojia kuhakikisha vinapatikana badala ya
kusubiri mpaka vichapishwe na kisha kupelekwa kwa wanafunzi.
“Unaweza ukaongea na makampuni ya simu kuwa waweke
vitabu kwenye system (mfumo) yao na wakaanza mashindano kuwa mwanafunzi
atakayesoma sana atapata zawadi,” alisema na kuongeza.
“Unaweza pia kuongea na kampuni ya magazeti kama
Mwananchi ukawaambia watoe ukurasa wachapishe kitabu fulani kwa mwezi
mzima na shule ziambiwe zinunue nakala moja ambayo kwa mwezi itakuwa
Sh30,000 kwa kila shule na tatizo la vitabu litakwisha.”
Pendekezo jingine alisema ni kuangaliwa upya kwa
sheria mbalimbali za elimu jinsi zilivyo na utekelezwaji wake pamoja na
kuhakikisha madaraka yanapelekwa kwenye ngazi za Serikali za Mitaa.
Kufutwa kwa Matokeo
Akizungumzia kufutwa kwa matokeo hayo, Profesa
Mchome alisema katika uchunguzi wake, tume hiyo haikuwa na shida yoyote
juu ya utungaji na usahihishaji wa mitihani.
“Ndiyo maana tukapendekeza kupangwa upya kwa
madaraja, kitakachofanyika ni kubadilishwa tu kwa kanuni iliyotumika
mwaka jana na kutumia ile ya miaka ya nyuma,” alisema.
Alisema kwa miaka ya nyuma upangaji wa madaraja
ulikuwa unazingatia matokeo ya mitihani jinsi yalivyo na kisha
kuyafananisha na miaka ya nyuma.
“Ukiona kuwa mwaka uliopita somo fulani matokeo
yake yalikuwa hivi, basi unaangalia na ufaulu wa mwaka huu kisha mnaamua
kuwa daraja A lianzie alama fulani, hicho ndiyo kilichopendekezwa.”
“Kilichofanyika mwaka jana, masomo yote yaliwekwa
kwenye daraja fulani bila kuzingatia jinsi ufaulu ulivyokuwa. Kwa hiyo
sisi tukaona kwa kuwa wanafunzi hawa wamesoma kwenye mazingira sawa na
yale ya miaka ya nyuma, hakuna sababu ya kuwabadilishia kanuni.”
source: mwanachi
Mapendekezo 130!!!! Are you
kidding me? Mapendekezo ni matatu tu. Serikali itimize wajibu wake.
Mbili walimu wafanye kazi kwa wito. Kwani uongo jamani? . Tatu wanafunzi
waache 'ujinga'. Hayo mengine ni kujaza makabati tu. I'm serious.
-
Kama mapendekezo ya kamati hiyo
iliyoundwa ndio haina mashiko hivo, hakukuwa na sababu ya kuweza kuunda
kamati yenye mapendekezo finyu hivo, vitab na mitandao ya simu wapi na
wapi? au kuchapisha kitabu kwenye gazeti? Hawa watu wameangalia familia
masikini ya mtanzania ambae anaishi kwa shilling 200 kwa siku ataweza
kununua gazeti kweli? au mtu atakuwa na simu na kanuni za shule na
sharia zinazuia mtu kutumia simu? Kama maabara hamna, leo hii ufaulu huo
utatoka wapi? Hebu watafakari vizuri kabla hawajatuletea hayo madudu.
-
Ningeshauri pia Tume itoe
mapendekezo yake juu ya lugha ya kutumika kufundishia, na mikakati ya
kuboresha ufundishaji au matumizi ya lugha hiyo, kwa wote, Waalimu na
Wanafunzi, kwani lugha imekuwa kikwazo kikubwa cha kufanikisha uelewa wa
Wanafunzi, kiasi cha kuwafanya washindwe hata kujieleza kiufasaha.
Pamoja na hayo, niipongeze Tume hii, kwani kwa kiasi fulani,
kinachofanyika kinaonekana, na siyo kama matokeo ya Tume nyingine
yanayoishia makabatini.
-
Kupanga upya madaraja ya kufaulu
kweli haitakuwa na maslahi yeyote kwa umma, la msingi wale ambao
walionekana kufanya vizuri kidogo basi wapate nafasi ya kwenda kidato
cha tano, kupoteza fedha ya serikali kwa kazi ilikwisha fanyika ni
danganya toto. Je kushusha kiwango cha kufaulu huoni ndiyo kuanguka
kiwango cha elimu? Tuwe na viwango vya elimu yetu au tutatengeneza taifa
la watu mbumbu. Tatizo siyo wanafunzi tu bali hata mazingira ya walimu
ya kufanyia kazi ndiyo kikwazo kikubwa. tuboreshe vitendea kazi kwa
shule zote, tuinue hali ya walimu na wazazi wapewe changamoto kuhimiza
watoto wao kusoma kwa bidii, na hapa shida inakwisha.
-
Nanyi tume kuweni wakweli na
muache siasa katika mambo ya Kitaifa........mapendekezo 130 nani
atayafanyia kazi? Ni vizuri mkachambua mapendekezo muhimu matano (5
strong recommendations) ndo yakaleta manufaa Tanzania.Watanzania
tunataka mabadiliko katika elimu
-
kwa mfugaji wa ng'ombe ili
ng'ombe wake atoe maziwa ya kutosha ni lazima amuwezeshe mchungaji wa
ng'ombe hao kwa namna yoyote ili kumfanya atumie uwezo wake wote wa
kuchunga ng'ombe hao bila hivyo, atawapeleka sehemu ambayo haina majani,
saa ya kunywa maji hatawapeleka kisimani, unadhani nini kitatokea kama
si kuwa fanya ng'ombe hao wakonde, sasa je! utarajie kupata maziwa
hapo?, hayo mapendekezo kipao mbele ni kipi maana kuyatekeleza yote ni
kama muda utakuwa umeshapita sana na taifa litaendelea kuangamia.
hapa walimu wakipewa kipaao mbele watoto watafaulu tu hata kwa kufundishiwa chini ya kimvuli cha mwarobaini.
chukueni
hatua, tupunguze muda wa kuongea km watasema walimu ni wengi hakuta
kuwa na pesa nyigi kuwaongezea mishara basi katiba mpya itaje viwango
sawa kwa waajiriwa wote wa serikali kwa kuangalia viwango vyao vya elimu
pesa zitatosha tu ili watofautiane kwenye maposho ,kuliko ilivyo sasa
wote ni graduates lakini mwl aliyepangwa kufundisha shule ya ufundi
533,000/=, aliyepata kazi TRA 3,5000,000, alipata tanroad naye zaidi ya
2,000,000 hujazungumzia maposho. unadhani nini kitatokea kama si
kuwafanya wengine wasihamasike kwa kazi zao.
-
Watanzania tunataka tutajiwe hayo
mapendekezo 130 acheni kuandikia mate na wino upo. Mikataba ya
uwekezaji siri na mapendekezo ya elimu ya watoto wetu pia siri. Wekeni
mambo yanayohusu watoto wetu hadharani msifanye mchezo na warithi wetu.
Hayo mengine ficheni wakiingia wakorofi yatafichuka tu na hiyo haituhusu
sisi ambao hatujui Siasa tunajua kupiga kura tu kwa mtu anayekufaa.
Kweli hapa Tanzania kuna
vichekesho, kama mzunguko wa mitaala ya sekondari imeisha toka mwaka
2010, na sasa tuko 2013 na wanafunzi wamefanya mtihani kutumia mitaala
ilionza 2006, hii inaonyesha wazi kwamba hakuna coordination kati ya
wizara, wadau wa kurudia mitaala na NECTA na wadau wengine. Mbatia
aliposema hatuna mitaala ya elimu, wabunge wafata bendera kama upepo na
waziri wa elimu na naibu wake alyegushi vyeti walimwona kachanyikiwa.
Sasa tume ya pinda inarudia yale yale aliyoyasema Mbatia. Masuala ya
elimu, maji, umeme, afya, barabara na mengine ya muhimu kwa maendeleo ya
nchi, hayahitaji siasa au usanii bali uongozi bora unaojali maslahi ya
umma. Tuwe more objective kwenye mambo haya jamani hii ni aibu.
Hii tume haina jipya. Matatizo ya elimu yanajulika na yapo wazi. Wewe
umeona wapi watu waliopata madaraja ya chini form four na six ndio
waendao vyuo vya elimu kusomea ualimu na kupelekwa mashuleni ili
wafundishe mtoto afaulu? Utasikia watu wakisema mtaani, "yaani hata
nafasi ya ualimu au unesi umekosa?.Huu mfumo haufai hata kidogo. Walimu
walipwe vizuri na mazingira yao ya kazi yaboreshwe ili wale waliofaulu
zaidi wavutiwe kuwa walimu. Sio kupeleka failures kwenda vyuo vya
ualimu. Then, textbook jamani. Kuandika notes kumepitwa na wakati. Kila
mwanafunzi awe na kitabu cha kila somo na wafundishwe kusoma na
kufikiria zaidi badala ya kuandika notes kibao ambazo upelekea kukariri
badala ya kuelewa.
Matatizo yapo debe, ila mapendekezo 130 ya tume ni kiini macho. Ni
hayo tu. Ee mungu, tupe viongozi wenye uchungu na maslahi ya mwananchi
sio hawa wanaojali matumbo yao wenyewe na familia zao.
No comments:
Post a Comment