SIKUKUU NJEMA

Nachukua nafasi kuwatakieni wote sikukukuu njema ya Eid El Fitr; iwe ni siku ya amani, furaha na Baraka za Mwenyezi Mungu kila la kheri  popote pale mlipo

KUELEKEA MIAKA 50 YA UHURU WA TAIFA LA TANZANIA

TUNAVYOJIANDAA KUSHEREKEA MIAKA HAMSINI (50) YA UHURU WA TAIFA LETU JICHO LANGU LIONAVYO; 

JE SERIKALI YETU NI KIZIWI, BUBU KIWETE AU KIPOFU KATIKA KUTATUA KERO ZA WANANCHI WAKE?

Katika mwaka huu wa 2011 serikali yetu ya Tanzania imekabiliwa na matatizo mengi ambayo yameendelea kuwakwera wananchi wake na kuendelea kurudisha nyuma gurudumu la maendeleo ya nchi hii. Baadhi ya matatizo hayo ni;

·        Ufisadi wa muda mrefu

·        Tatizo la Umeme

·        Tatizo la Maji safi

·        Tatizo la barabara

·        Tatizo la viongozi kushindwa kufanya maamuzi kwa haraka

Kumekuwa na tatizo kubwa sana la umeme ambalo ambalo kwa upande mmoja  limechangiwa na hali ya hewa kwani sehemu kubwa ya nishati hupatikanaji wake unategemea upatikaji wa maji(mvua) ili kuweza kuendesha ,mitambo yake ambayo kwa miaka kadhaa sasa inaendeshwa kwa nguvu ya maji;

Je pamoja na tatizo la uhama wa umeme kutoka na tatizo la uzalishaji wake  je watumiaji wa umeme wamekuwa waaminifu katika kulipa gharama halisi? Tunafahamu kuwa kuna watumiaji   ambao hawalipi umeme kama wanavyotumia; Kila siku hupanga mission na wafanyakazi wasio waaminifu kucheza na mita au na bili za umeme. Huu nao ni ufisadi ambao unarudisha nyuma maendeleo ya kuwa na umeme wa uhakika;

Kama watu hawalipi umeme wanaoutumia nategemea hilo shirika litajiendesha na nini? Tunaweza kuliondoa tatizo hili kama pande zote mbili zitashirikiana pamoja na kwa ukaribu sana tusikimbilie tu kuwalaumu wahusika na kama wateja nao ni mafisadi wa kuiba matumizi ya umeme nao wanachangia kutokana na kutokuwa wakweli tunaishia kujiumiza wenyewe na kurudisha maendeleo yetu nyuma na ni wazi kuwa maendeleo hayawezi kuja kwa njia za mkato ili tuendelea inabidi tuchangie kwenye uchumki wa nchi yetu kwa vitendo. 

Sisi kama taifa tunajua kuwa hatuna viongozi wazalendo, ndiyo maana kila siku tunalia na umeme,maji, hospitali,shule. Sasa kama taifa limekosa vitu vyote hivi kweli kuna maisha bora hapo? Halafu tunaimbishwa kuwa maisha bora kwa kila mtanzania ni sera na yako njiani yanakuja, mmm hebu tuendelee kusubiri; lakini swali la msingi hapa sijui tutayasubiri hadi lini?

Je serikali yetu jamani ni KIZIWI, BUBU KIWETE AU KIPOFU yaani inahitaji kusaidiwa kwa nini? Au inajifanya KIZIWI, BUBU KIWETE AU KIPOFU ili isiwajibishwe?

Lakini serikali inatakiwa kujua kuwa pale inapojifanya KIZIWI, BUBU KIWETE AU KIPOFU  KATIKA mazingira ya kawaida inajitengenezea maadui ambao wanaanza kujenga chuki dhidi ya serikali yao; ni ukweli kuwa chuki dhidi ya serikali yoyote duniani haitokei hivi hivi tu bila sababu. Wananchi hawawezi kuamka asubuhi na kuanza kuichukia serikali yao. Watu hawawezi kuwa na sababu ya kumchukia mtawala kama mtawala hawapi wananchi sababu ya kumchukia. Kwa kawaida kuna sababu kadhaa zinazoweza kuwafanya raia kuichukia serikali iliyoko madarakani. 

Na moja ya sababu hizo ni pale serikali inapojifanya  KIZIWI, BUBU KIWETE AU KIPOFU katika kusikiliza matatizo ya wananchi wake, bubu katika kusema ukweli na kukemea maovu, kiwete pale inaposuasua katika kutekeleza majukumu yake kwa haraka na kuishia kuwa na tume nyingi za uchunguzi ambazo mwisho wa uchunguzi hakuna hatua ya maendeleo inayofanyika, na kipofu pale ambapo inayafumbia macho maovu ya watendaji wake na kuwabariki waarifu katika kuendelea kufaidi rasilimali na kodi za walalahoi.

Jambo hili limesemwa sana na wataalam na wananchi wengi kuwa; Hakuna utawala mbaya kama utawala wa kifisadi ambao  ni wa kiujanjaujanja tu. Utawala wa aina hiyo hudumu kwa kuvunja sheria au kuzipinda bila kumjali maendeleo ya wanyonge ambao hawana sauti; isipokuwa wale wenye uwezo na walioko madarakani kila mmoja ananufaika na uzembe wa mwingine na kila mmoja akilinda ubovu wa mwingine. Mara nyingi mafisadi hulindwa wakati maskini hunyanyasika na kuumizwa, na hata kidogo walichonacho inabidi watumie nguvu nyingi kweli kukilinda angalia nini kinatokea kati ya wamachinga na serikali za jiji na halafu angalia nini kinatokea kati ya wafanyabiashara wakubwa wakwepa ushuru na serikali.

Serikali yetu ikibadilisha msimamo wake na kuwa serikali ambayo sio KIZIWI, BUBU KIWETE AU KIPOFU itajijengea heshima kubwa sana kwani itafanya jambo kubwa moja la kheri sana la   kushughulikia kero na matatizo mbalimbali ya wananchi na ninauhakika yataondoka

Kwa hali ambayo tunayo sasa na tunavyoelekea kusherekea miaka hamsini ya Uhuru wetu (50;)Kwa mtazamo wangu, ukimya huu wa serikali unaleta au kukaribisha hatari, serikali ibadilike mara moja na kusikia kilio cha wananchi wake, ukimya huu utaleta tafsiri zisizo rasmi na majibu yatokanayo na tafsiri hizo yanaweza kuwa ya uvunyaji sana wa sheria na kupotea kwa uvumilivu na amani ambayo Taifa hili imejivunia kwa miaka hamsini;

Tunahitaji viongozi wetu kuwa na vision; Baba wa Taifa Mwalimu Julius Nyerere alijua mapema kabisa wakati wa ujenzi wa taifa letu kuwa ni lazima tuwe na nguvu ya umeme kuweza kuendeleza viwanda vyetu, matumizi ya majumbani na kuinua miji yetu.Kwa wakati wake kwa vision yake umeme wa Mtera ulitosha kabisa;

Lakini kwa sasa umeme wa maji wa Mtera, kihanzi etc hautoshi tena, je viongozi wetu wanavision gani? Kukaa chini na kulaumu kujifanya hawaoni?  Au vision yao imekuwa matatizo yetu ndio mtaji wao!

Au tuungane na kauli ya Naibu Katibu Mkuu wa Chama cha Demokrasia na Maendeleo (CHADEMA), Zitto Kabwe, aliwahi kusema “Hatuwezi kuwa Taifa ambalo kila siku tunajadili mambo yaleyale na kurudia makosa yaleyale. Hatuwezi kuwa Taifa ambalo vichwa vya habari vya magazeti vinapambwa na habari za ufisadi tu. Tunapaswa kutoka hapo kwa kusahihisha makosa, na kama tukifanya makosa mengine, yawe makosa mapya.”

Lakini la msingi sasa viongozi wetu wanatufanyia nini cha kutufanya tuwe na maisha bora; ni ukweli kuwa maendeleo yetu yataletwa na sisi wenyewe, lakini tutajisaidiaje kama kweli serikali unashindwa kutupa nyenzo za sisi kujisaidia kusimama wenyewe; kama vile Umeme wa uhakika, maji safi, barabara na elimu bora kwa watoto wetu?

Viongozi wetu wa Serikali na vyama vya siasa ndio wenye dhamana ya kuongoza juhudi za kuleta maendeleo ya kiuchumi na kijamii, lakini baadhi yao wamekuwa chanzo cha kuyumbisha nchi kutokana na kasumba mbaya za kutanguliza maslahi yao binafsi pamoja na kukumbatia unafiki na urasimu

Mabadiliko yanahitajika haraka ili kunusuru nchi yetu iliyo mbioni kupoteza mwelekeo sahihi. Tanzania  ni nchi tajiri yenye rutuba, bahari, mito, maziwa, misitu na mbuga za wanyama, madini, Iweje sasa tuishi katika nchi yenye utajiri halafu tunaishia kuwa omba omba hata wa chandarua kwa ajili ya kujikinga na malaria?

Kwa hali yoyote ile maamuzi ya maendeleo yetu bado yako mikononi mwa serikali. Nina imani kama serikali Itaamua vema,katika upangaji wa sera zake za maendeleo na usimamiaji wa sera hizo na uwajibikaji katika utekelezaji wake maisha bora kwa kila mtanzania hayachelewa . Lakini ikiamua vibaya, athari zake zitaendelea kujulikana  na tafsiri serikali yetu kuwa ni KIZIWI, BUBU KIWETE AU KIPOFU itashika kasi;

Viongozi wetu wanaweza kubadilika kwa faida ya wananchi na taifa lake.

Our Leaders

Who will tell whether one happy moment of love or the joy of breathing or walking on a bright morning and smelling the fresh air, is not worth all the suffering and effort which life implies. By : Erich

Let us think about it as the nation.

Let us not say, Every man is the architect of his own fortune; but let us say, Every man is the architect of his own character. - George Dana Boardman

A good name will shine forever. - Proverb

KASHESHE WIZARA YA NISHATI NA MADINI

SHERIA AU MAZOEA AMBAYO YANAENDESHA WIZARA ZETU?

“Don't ever take a fence down until you know why it was put up”.

"Kwa jinsi jambo hili lilivyokaa, hakuna jinsi mtu unavyoweza kulitetea hata kidogo, nilitamani sana kwamba nije hapa niseme kwamba uamuzi wangu mimi ni huu, lakini haikuwezekana,"

"Kwa dhati kabisa naomba wabunge tuwe na subira, mara tu mheshimiwa Rais atakapotua South Africa (Afrika Kusini) jioni ya leo  (jana), nitamuarifu na ninaamini tutaelewana kuhusu hatua za kuchukua."

KISHERIA hakuna  mtu aliye juu ya sheria. Iwe kiongozi wa umma, serikali, taasisi yoyote au mwananchi wa kawaida anatakiwa kuheshimu kanuni na misingi ya sheria.Watu wote wanapaswa kutii, 

kuheshimu na kuzifuata kwa mujibu wa Katiba ya nchi husika.

Sheria zinapaswa kufuatwa bila kujali au kubagua mhusika kwa namna yoyote uwe wa rangi, kabila, dini, itikadi au kitu kingine cha namna hiyo; kwa msingi huo Kuvunja sheria yoyote ya nchi ni uhalifu. Bila kujali cheo au hadhi ya mhusika, itikadi yake, utajiri au umaskini kiasi gani, wala haihusiani na rangi hata kabila ni jambo ambalo haliruhusiwi. Kwa msingi huu ukiukwaji ukifanywa kunakuwa na karipio linaloendana na adhabu, kwa msingi huu hata matukio ya watu kujichukulia sheria mikononi kwa kuadhibu wenzao ni kosa kisheria japo kiutamaduni wetu wa kila siku inaonekana ni haki mbadala.

Viongozi wetu wanaposhindwa kufuata sheria na kuvunja sheria hupelekea wananchi kuishi maisha ya wasiwasi kwani hupoteza imani na kuua mfumo mzima wa sheria na uaminifu;

Tukio la hivi karibuni la Katibu mkuu wa Wizara ya Nishati na Madini la kuamurisha idara zote ambazo ziko chini yake kuchangia mchakato wa Bajeti ya Wizara hiyo, kimsingi ni ukiukaji wa sheria ya Matumizi sahii ya fedha za walipa kodi;

Watu wamejiuliza maswali mengi sana hizo pesa zote kwa nini zitumike katika mchakato wa kupitisha bajeti husika? Bajeti hiyo ilikuwa na siri gani kubwa hata wizara itafute pesa zaidi kutoka katika idara zake?

Pesa hizo walikuwa wanapelekewa akina nani? Walikuwa wanalipwa akina nani? Na kwa kiwango na kigezo gani?

Je kunauwezekano mkubwa sana kwamba kuna pesa nyingi sana katika wizara na idara zake ambazo ziko ziko tu (idle) na waataalamu kwa kushirikiana na wanasiasa wanazitafutia njia za kuzitafuna kwa kigeuzo cha uandaaji na upitishaji wa bajeti?

Je katibu Mkuu husika huyo ametolewa kafara safari hii kwani inasomeka kuwa ni mazoea yao kila mwaka utaratibu huu hufanyika?

Sasa kama katibu mkuu ni kinara wa kuashiria rushwa ndani ya utendaji wa kazi zake je kuna haki ambayo itatendeka kwani tunafahamu kuwa makatibu wakuu ndio wataalaum ndani ya wizara ambao wanatumiwa kama wataalamu (professional /professionalism).

Katika hali kama hii je tunaweza kumuhukumu mara moja au inatulazimu tusubiri  na kutoa hukumu mpaka tupate vielelzo vya uhakika kama Katibu Mkuu Kiongozi alivyosema?

Kama ndivyo je utaratibu wa serikali wa kulishughulikia swala hili ni sahihi? Kwa nini aendelee kulipwa (likizo) ya malipo wakati ni mtuhumiwa katika kesi hii?, kwanini stahili zake zote  zisimamishwe na kama hatakuwa na hatia ndipo arudishiwe hizo stahili?

Kwa staili hii Je serikali haioni kuwa unaongeza wasiwasi katika uchunguzi wake na pengine kuwapa wananchi mawsali mengi ya kujiuliza kuwa serikali yetu sio makini?

Si vyema kuhukumu au kuondoa uzio bila kuelewa nini kiko nyuma ya huo uzio? Kwa nini katibu huyo aliytoa agizo hili  kwa kujiamini  kimandishi?

Je ni utaratibu huu ni wa wizara hii tu au ni wizara zote  hutumia utaratibu huu katika uchakachuaji wa bajeti zao?

Sheria daima zinawekwa kama uzio ili kuzuia wavunjaji wa sheria wasipate njia rahisi katika kutekeleza adhima yao; sehemu ikiwekwa uzio tayari inakuwa imejijengea utaratibu wa watu kufuata kana wanataka kuingia ndani wapiti katika mlango ulio salama; endapo mtu ataruka uzio huo huyo ni mharifu na anastahili adhabu; kwa hiyo uzio hujengwa kwa ajili ya kumzuia mtu yeyote kukiuka sheria zilizopo; Je katibu huyu hajekiuka taratibu kwa kuruka uzio alioujenga yeye mwenyewe?

Kama ndio hivyo kwa nini tujenge uzio ambao mwisho wa siku na wajengaji wenyewe ndio wanao vunja?

Tunaiomba serikali iwaadhibu watendaji wote wa juu wa serikali kulingana na matendo yao kitendo cha Katibu Mkuu kuagiza uchangiji wa pesa hizo na kuwa na matumizi ambayo hayajeidhinishwa kisheria ni kosa kubwa la kuhujumu  uchumi wanchi;

Nakumbuka mheshimiwa Rais aliwahi kusema kuwa;

kila mara zingatieni nidhamu ya matumizi ya fedha za serikali ikiwa ni pamoja na kuzingatia sheria, kanuni, taratibu za fehda, na taratibu za manunuzi.

Wabadhirifu na wezi wa fedha za umma wachukuliwe hatua za kisheria.

Je katibu Mkuu wa wizara ya Nishati na Madini wakati anaandaa utaratibu huu alishauriana na nani? Kuna Kiongozi wa juu pengine alimpa uhakika kuwa achangishe tu atamlinda au utaratibu ambao ameukuta katika wizara hiyo na amekuwa akiuendeleza tu?

Mheshimiwa Rais sasa anatakiwa waonea haya au kuwavumilia viongozi hawawa namna hii wanaotumia nafasi zao katiaka kufanya  ubadhirifu ambao unakoleza ufujaji wa mali ya umma na kudidimiza maendeleo ya nchi. Ni viongozi hawa ambao wanasukuma guruduma la maendeleo nyuma wakati wenzao tunajitahidi kulibingirisha kwenda mbele!

Tunaihimiza serikali kuchukua hatua zinazofaa ambazo zitakuwa ni mfano kwa wengine ambao wanatabia kama ya Katibu Mkuu mhusika.

URAFIKI WETU NA WANASIASA TUNAWEZA UELEZAJE?

Kuna hii nukuu kuhusu aina tatu za marafiki najaribu kuioanisha na viongozi wetu wa siasa Tanzania; Je wanasiasa wetu wanafanana na nukuu hii?

“Kuna aina tatu za marafiki, wale wanaolinganishwa na chakula kwani bila chakula hatuwezi ishi; wale kama dawa ambao tunawahitaji wakati Fulani tu na wale kama ugonjwa ambao hauwahitajia kabisa”.

Maisha katika medali za siasa katika dhama hizi je tunaweza kuwalinganisha au kuwatenga wanasiasa wetu katika makundi matatu kulingana na nukuu ya hapo juu? Kama ni ndio, swali la msingi hapa la kufungulia mjadala wetu wa leo Je tafsiri  ya nukuu hii iweje sasa?.  Na namna gani tunaweza kudurufu ukweli wa msemo huu;

Hebu tuwangalie Wanasiasa ambao tunaweza kuwalinganisha na

“chakula”;

 kundi hili ni lile la wanasiasa ambao wana busara, hekima uadilifu, waaminifu, wakweli wastaarabu wacha Mungu na wawajibikaji wa kweli; utendaji wao wa kazi unaongozwa na maadili na woga kulingana na imani zao na zinazoangalia sana matendo mema.  (Hayati Edward M.Sokoine )

Kundi hili wao wanaona kuwa nafasi ambazo wanazo kama wanasiasa au cheo ni dhamana isipotumiwa vizuri kwa manufaa ya wote mtoaji anahaki ya kukichua cheo hicho na kumpa mtu mwingene ambaye ni mwadilifu, na mwaminifu.

Tunajua kuwa chakula ni uhai, na ni muhimu sana kwa maisha ya binadamu, kwani mwili wa binadanu unahitaji chakula, bila chakula mwili utadhoofika na hatimaye kushindwa kufanya kazi na pengine kusababisha umauti kwa kiumbe husika;

Hili ni kundi ambalo kwa sababu ya ukweli wao uwajibikaji wao wakipata nafasi nzuri ya kuwatumikia wananchi wanatekeleza ahadi  kwa matendo, na ikitokea kunatatizo la utekelezaji wa ahadi hizo anakuwa tayari kusema ukweli na wananchi wanakubaliana naye kwa tabia yake ya iliyotukuka.

Hawa ni wale ambao wanaweka masilahi ya taifa mbele kwa faida ya watanzania, ambao wao huridhia muafaka wa sera nzuri za maendeleo ya nchi. Hawa ni wale ambao wanajenga daraja la uaminifu kati yao na wananchi waliowapa nafasi ya kuwatukimia. Hawa sio wanafiki wachoyo, wezi wala rushwa; ni viongozi ambao wanaridhika na kile kidogo ambacho wanapata; ( Mwalimu Nyerere)

Wanasiasa kama dawa

Hawa ni wanasiasa ambao wana vipaji vya kuweza kujenga hoja nzuri na wanajitahidi katika utekelezaji wa sera nzuri kwa wananchi; lakini wanashindwa kutimiza malengo yao kwani mara nyingi wanakosa nyezo nzuri za utandaji au kukubalika ndani ya serikali kwani. Ni kundi ambalo ni nzuri na tegemeo katika uhai wa siasa na uongozi wan chi, lakini hawahitajiki sana wanatumika tu kwa sababu Fulani kwa muda mfupi hataji likikamilika husaauliwa mara mpaka kuwe na hitaji tene; hawa ni madorate  wazuri wajenga hoja nzuri hata wakati mwingine wapatanishi wazuri; tatizo hawahitajiki wakati wote kwani wanaonekana kama vikwazo na wakati mwingine wanakuwa hawana nguvu sana na wakiweza kufanya kazi pamoja na wanasiasa wa kundi la kwanza kuna kuwa na msukumo mzuri sana wa maendeleo ya nchi;

Hawa ni wafichuaji wa uozo wa serikali

Wanansiasa kama ugonjwa

Kundi hilli la wanasiasa hatuwahitaji kabisa kwani ndio wale mangunguli wa kula rushwa ambao wanaishia kuliingiza taifa katika hasara kubwa sana;

Kundi hili linatawaliwa na ubinafsi zaidi; kundi la umimi ni watu

wasiojali maendeleo ya wananchi kwa jumla wao hukumbuka tu raha zao hawakumbuki wengine. Hawa ni wanasiasa ambao wanazungumza mno kuhusu siasa na sio sera. Kwao siasa ni kila kitu; Wanasiasa wabaya daima huweka matumaini yao mbele na kuua matumaini ya maendeleo ya taifa; kwa kuwalagai wananchi kwa siasa uchara zenye faida ya muda mfupi na huwa kama kiini macho kwaJamii.

Kundi hili lina pesa nyingi ambazo upatikanaji wake unatia mashaka; daima ni pesa chafu na zinaendelea kutumika katika mchezo mchafu. Hawa ni wanasiasa ambao ni wala rushwa, rusha wanapata kutokana na kujihusisha na rushwa; ni makini na ni werevu sana na wanafahamiana na watu wengi wapenda rushwa; kwao siasa ni rushwa na bila kujiingiza kwenye siasa hakuna rushwa.

Je tutauondoaje ugonjwa huu Mkubwa?

Tunawahitaji tuwe na wafanyakazi wa serikali ambao ni  waaminifu ambao wataweza kuwazuia wanasiasa walafi katika mipango yao ya ufisadi.

tunahitaji serikal ambayo ni safi; tunahitaji watendaji wasafi ambao ni sehemu kubwa ya serikali. Serikali ambayo haitakuwa tayari kuwakaribisha mafisadi hao katika utendaji wake; serikali ambayo itakuwa tayari kuishi kwa matendo bora na kuamini kuwa “ Ikulu ni Mahali Patakatifu” na sio sehemu ya kuwaruhusu mafisadi kuchafua utakatifu wake.

Ni ukweli kuwa hatuwezi kupata wanasiasa wakamilifu kwa asilimia mia moja; bali tunawihitaji wanasiasa ambao ni watendaji na waadilifu kwa asilikia kubwa  ambao watajitoa mhanga kwa ajili ya maendeleo ya watu wao na sio kurudisha nyuma maendeleo ya taifa.( sakata la Umeme Tanzania nani wa kulaumiwa ni siasa chafu iliyochafua hali ya mwanga na kuleta giza nene)

Tunahitaji viongozi wanaoweza kukemea hali hii ili kuwanyima nafasi mafisadi kuuza nchi kwa faida binafsi. Ni ukweli kuwa  Uongo na maigizo ya ulaghai yakirudiwa sana bila kukemewa yanaweza kuonekana kama ukweli; na wao kuonekana kuwa ni waleta maendeleo kumbe wamevaa ngozi ya kondoo wakati ndani ni chui wabaya sana.

“There are three types of friends: those like food, without which you can't live; those like medicine, which you need occasionally; and those like an illness, which you never want”. - Unknown